طفلك طلب أو سألك هذه الأسئلة؟
ماما أنا عايزة أرضع أختي زي ما أنتِ بترضعيها! 😕
ماما هو أنا صدري صغير مش كبير زيك ليه ؟!😣 الاسئلة دي من واقع استشارات وصلتني
طب تعملي ايه لما طفلك يسألك سؤال من هذه الأسئلة المحرجة؟
بكل بساطة جدا هتقولي الآتي:
ربنا سبحانه وتعالى خلق الذكر والأنثى، وكل جسم منهما مختلف عن الآخر. لأن مهام كل واحد منهم مختلفة عن الآخر.
فالأم ربنا خلق جسمها فيه الحاجات اللي تخليها وتؤهلها لتكون أم، حامل، وفيه مكان للبيبي جوه جسمها اسمه الرحم بيكبر فيه البيبي. 🔹وإذا سأل طفلك: لما البيبي يتولد هياكل ازاي في عدم وجود أسنان 😳😳؟
ايوة بالضبط
ربنا خلق عند المرأة الثدي، بعد ولادة الطفل بيتكون فيه لبن الأم ليتغذي البيبي الصغنوني خالص منه، واللبن ده فيه اللي جسمه بيحتاجه عشان يكبر.
والطفل بيبدأ يشرب منه ويمص زي الببرونه، إلى أن يكبر ويبدأ يأكل خضار وفاكهة وباقي الطعام بالتدريج. 🔸إذا سأل طفلك: وأنا يا ماما معنديش ليه زيك؟🤔 الإجابة للبنت: لأنك حبيبتي جسمك لسه صغير.
لسه لما تكبري شكله هيتغير بالتدريج.
لسه هتمري بمراحل في حياتك تتعلمي وتشتغلي ولما تكوني كبيرة تقدري تتحملي مسؤولية طفل وتتجوزي نحط تحتها مليون خط (للتأكيد على أنه الزواج شرط)
هيكون شكل جسمك اختلف شبهي، وإن شاء الله لما يكون عندك بيبي، وقتها ربنا هيخللي اللبن يتكون في ثديك عشان االبيبي يرضع منه. ❤
الإجابة للولد : أنت حبيبي ولد لما تكبر هتكون رجل. والرجل جسمه شكله مختلف عن المرأة مش بيكون عنده ثدي شبه الأم، لأن مش من مهامه الرضاعة 😊
ومهم جدا جدا وأنتِ بتشرحي للطفلك تكوني بتتكلمي بهدوء وتسمي بالأسماء العلمية للمكان اللي الطفل بيسأل عنه،وبدون احراج.
لأن الأسئلة الحرجة بالنسبة لنا، هي بالنسبة له سؤال عادي زي ما بيسأل عن الجهاز الهضمي أو التنفسي أو أي سؤال آخر هدفه المعرفة والتعلم.
وخليكِ أنت دايما مصدر ثقة له ومصدر للآمان والمعلومات السليمة، بدلا من اللجوء لأي وسائل أخرى وما أسهلها للأسف.
الموضوع والاجابة دي للأطفال تحت سن 5 أو 6 سنوات، بتختلف حسب استيعاب الطفل وقدراته.
يا ترى طفلك سألك سؤال مشابهه؟ أو سألك سؤال تاني واحترتي في الإجابة؟ أو سألك وجاوبتي فعلا 👍؟ وكانت ايه اجابتك؟
ماما هو أنا صدري صغير مش كبير زيك ليه ؟!😣 الاسئلة دي من واقع استشارات وصلتني
طب تعملي ايه لما طفلك يسألك سؤال من هذه الأسئلة المحرجة؟
بكل بساطة جدا هتقولي الآتي:
ربنا سبحانه وتعالى خلق الذكر والأنثى، وكل جسم منهما مختلف عن الآخر. لأن مهام كل واحد منهم مختلفة عن الآخر.
فالأم ربنا خلق جسمها فيه الحاجات اللي تخليها وتؤهلها لتكون أم، حامل، وفيه مكان للبيبي جوه جسمها اسمه الرحم بيكبر فيه البيبي. 🔹وإذا سأل طفلك: لما البيبي يتولد هياكل ازاي في عدم وجود أسنان 😳😳؟
ايوة بالضبط
ربنا خلق عند المرأة الثدي، بعد ولادة الطفل بيتكون فيه لبن الأم ليتغذي البيبي الصغنوني خالص منه، واللبن ده فيه اللي جسمه بيحتاجه عشان يكبر.
والطفل بيبدأ يشرب منه ويمص زي الببرونه، إلى أن يكبر ويبدأ يأكل خضار وفاكهة وباقي الطعام بالتدريج. 🔸إذا سأل طفلك: وأنا يا ماما معنديش ليه زيك؟🤔 الإجابة للبنت: لأنك حبيبتي جسمك لسه صغير.
لسه لما تكبري شكله هيتغير بالتدريج.
لسه هتمري بمراحل في حياتك تتعلمي وتشتغلي ولما تكوني كبيرة تقدري تتحملي مسؤولية طفل وتتجوزي نحط تحتها مليون خط (للتأكيد على أنه الزواج شرط)
هيكون شكل جسمك اختلف شبهي، وإن شاء الله لما يكون عندك بيبي، وقتها ربنا هيخللي اللبن يتكون في ثديك عشان االبيبي يرضع منه. ❤
الإجابة للولد : أنت حبيبي ولد لما تكبر هتكون رجل. والرجل جسمه شكله مختلف عن المرأة مش بيكون عنده ثدي شبه الأم، لأن مش من مهامه الرضاعة 😊
ومهم جدا جدا وأنتِ بتشرحي للطفلك تكوني بتتكلمي بهدوء وتسمي بالأسماء العلمية للمكان اللي الطفل بيسأل عنه،وبدون احراج.
لأن الأسئلة الحرجة بالنسبة لنا، هي بالنسبة له سؤال عادي زي ما بيسأل عن الجهاز الهضمي أو التنفسي أو أي سؤال آخر هدفه المعرفة والتعلم.
وخليكِ أنت دايما مصدر ثقة له ومصدر للآمان والمعلومات السليمة، بدلا من اللجوء لأي وسائل أخرى وما أسهلها للأسف.
الموضوع والاجابة دي للأطفال تحت سن 5 أو 6 سنوات، بتختلف حسب استيعاب الطفل وقدراته.
يا ترى طفلك سألك سؤال مشابهه؟ أو سألك سؤال تاني واحترتي في الإجابة؟ أو سألك وجاوبتي فعلا 👍؟ وكانت ايه اجابتك؟
شاركيني ❤
أحبك في الله
دمتي بخير
شيماء الجميل
Post a Comment